Ֆրանսիական Renault ընկերությունը ներկայացրել է 7-տեղանոց Grand Scenic ավտոմեքենան: Նախկինում այն նախատեսված է եղել 5 ուղևորի համար: Ավտոմեքենան վաճառքի կհանվի ընթացիկ տարվա ավարտին: Դրանց արժեքի մասին տեղեկատվություն դեռևս չկա:
Մեքենան ստեղծվել է CMF հարթակի վրա և զգալիորեն մեծ է իր նախորդից: Այն ստացել է պանորամային տանիք, 20-դյույմանոց անվասկավառակներ, նոր բամպերներ, լուսադիոդային օպտիկա, կարճ կախոցներ և թափքի երկու գույն:
Բեռնախցիկի տարողությունը 718 լիտր է` նախորդից 40%-ով ավելի: Սրահում տեղադրվել են նոր նստատեղեր, սարքավորումների նոր վահանակ, 2 թվային էկրան:
Մեքենան ունի 6-մխոցանոց դիզելային շարժիչ` 94-158 ձիաուժ հզորությամբ: Կառաջարկվի նաև բենզինային տարբերակը` 113-128 ձիաուժ հզորությամբ: Շարժիչն աշխատում է 6-աստիճան մեխանիկական կամ ավտոմատ փոխանցատուփերի հետ համատեղ: