Կրթության և գիտության նախարար Լևոն Մկրտչյանը կառավարության նիստից առաջ լրագրողների հետ զրույցում տեղեկացրեց, որ Վերջին զանգի արարողությունն ավելի համեստ կլինի: «Երեկ մեզ մոտ երեխաները եկել էին ցույցի: Ողջ դասարանը հավաքվել, եկել էր և բողոքում էին, թե ինչու եք ասում, որ Վերջին զանգ չանենք: Մի քիչ հասարակության խնդիրն է, ուղղակի ամեն ինչ պետք է լինի չափի մեջ»,- ասաց նախարարը և տեղեկացրեց, որ բողոքի ակցիա իրականացնողները Երևանի թիվ 29 դպրոցի աշակերտներն են եղել:
Այն հարցին թե ինչպե՞ս են պայքարելու ավանդական դրամահավաքների դեմ, նախարարը պատասխանեց, որ բոլոր մեթոդներն օգտագործել են Վերջին զանգին կոռուպցիոն ռիսկերից խուսափելու համար: