Ցյուրիխի բարձրագույն տեխնիկական դպրոցի և Լյուցեռնի համալսարանի ուսանողների մի խումբ արագության ռեկորդ է սահմանել: «Grimsel» անվամբ էլեկտրական բոլիդը զարգացրել է 100կմ/ժ 1,513 վայրկյանում: Շվեցարացիներին հաջողվել է 0,266 վայրկյանով գերազանցել իրենց գերմանացի կոլեգաներին Շտուտգարտի համալսարանից : Grimsel-ը մշակվել է Academic Motorsports club Zurich (AMZ) ավտոսպորտային թիմի կազմում, որը մասնակցել է «Ֆորմուլա-Ուսանող» էլեկտրական մեքենաների մրցույթում: Ավտոմեքենան հագեցված է չորս էլեկտրական շարժիչով, որոնք միասին զարգացնում են 200 ձիաուժ և 1700 Նմ պտտող պահ: