Կառավարության այսօրվա նիտից հետո ՀՀ Էկոնոմիկայի նախարար Արծվիկ Մինասյանը լրագրողների հետ զրույցում տեղեկացրել է, որ վարչապետ Հովիկ Աբրահամյանի կողմից իրենց տրված հանձարարությունը, ըստ որի նախարարությունը պետք է մշակեր եկամտաստեղծ գործունեության ծրագիր, որով պետք է ապահովվեր ապրիլյան պատերազմում զոհված ընտանիքների սոցիալական խնդիրը, արդեն պատրաստ է և գտնվում է կառավարությունում: Նախարարը վստահեցրել է, որ ապրիլյան պատերազմում զոհվածների ընտանիքներն իրենց բիզնեսն առաջ մղելու խնդիր չեն ունենա. «Հիմնական նպատակը լինելու է այն, որ այդպիսի ընտանիքներում պետք է բացահայտվեն անձինք, ովքեր ունեն սեփական բիզնես նախաձեռնություններ: Այստեղ աջակցությունը ցուցաբերվելու է բոլոր ուղղություններով` թե մասնագիտական վերապատրաստում, թե նյութատեխնիկական աջակցություն, թե առանձին դեպքում բիզնեսի ուղեկցում, նաև` իրավական խորհրդատվություն», - նշել է Մինասյանը: Նախարարը տեղեկացրել է նաև, որ այժմ ուսումնասիրում են ազգային վիճակագրական ծառայության՝ տնտեսական ակտիվության ցուցանիշի վերաբերյալ վերջին հրապարակումները, որի ավատից հետո կներկայացնեն այն պատճառները, որոնք բերել են տնտեսական ակտիվության անկման: