Մարիամ և Երանուհի Ասլամազյան քույրերի պատկերասրահը, Երևանի Ռուսական արվեստի թանգարանի հետ համատեղ, իրականացնում է ճանաչված նկարչուհի Մարիամ Ասլամազյանի «Կյանքի դավթարը» ինքնակենսագրական պատումների գրքի շնորհանդեսը-վաճառքը: Մարիամ Ասլամազյանի ստեղծագործություններն այսօր զարդարում են Հայաստանի ազգային պատկերասրահի և մասնաճյուղերի, Մոսկվայի, Պետերբուրգի, Չինաստանի, Հնդկաստանի, Ֆրանսիայի՝ շուրջ 50 ճանաչված թանգարանների հավաքածուներն ու մշտական ցուցադրությունները: Նկարչուհու աշխատանքների ամենաամբողջական հավաքածուն գտնվում է Գյումրու Մարիամ և Երանուհի Ասլամազյան քույրերի պատկերասրահում: |