Դերասանուհի Արսինե Խանջյանը բաց նամակով դիմել է Սփյուռքի հայերին` կոչ անելով միանալ և որպես կամավոր դիտորդ հանդես գալ ՀՀ 2017-ի խորհրդարանական ընտրություններում:
Նամակում շեշտել է, որ պարզ քայլ կլինի Սփյուռքի կողմից, եթե անկախ կամավորներ հավաքվեն Հայաստանում 2017-ի գարնանը և հսկեն բոլոր ընտրատեղամասերը: «Սա պետք է լինի յուրաքանչյուր հայի և աշխարհասփյուռ կառույցների համար առաջնահերթություն՝ երկրում արդար, ազատ և թափանցիկ ընտրություններ ապահովելու համար»,- գրել է դերասանուհին: Նա նաև նշել է, որ բոլոր կամավորները պետք է լինեն ոչ կուսակցական դիտորդներ, որոնք մասնակցում են իրենց հաշվին և որոնց միակ շահագրգռվածությունը և պատասխանատվությունը ընտրական գործընթացը վերահսկելն է՝ սկսած քվեաթերթիկները տուփի մեջ գցելուց մինչև ընտրաթերթիկների հաշվարկը: «Այս միջամտությունը կարող է կանխել ընտրակեղծարարությունը»,- վստահ է Արսինե Խանջյանը:

Հիշեցնենք, որ հուլիսի 27-ին ոստիկաններն Արսինե Խանջյանին Խորենացու փողոցից բերման էին ենթարկել, որի մասին կինոդերասանուհին բարձրաձայնել էր նաև Սփյուռքում: