«Երկուշաբթի օրը Դոնալդ Թրամփն ասել է, որ Հիլարի Քլինթոնը շատ «կոշտ» է արտահայտվում Ռուսաստանի մասին, նաև հայտարարել է, որ նախագահական ընտրություններում հաղթանակի դեպքում, հնարավոր է` հանդիպի ՌԴ նախագահ Վլադիմիր Պուտինի հետ մինչև երդմնակալության արարողությունը»,- գրում է The New York Times-ի լրագրող Մեգի Հաբերմանը` մեջբերելով Թրամփի հարցազրույցը ռադիոհաղորդավար Մայքլ Սեվիջին:
Թրամփն ասել է, որ ԱՄՆ-ի ներկայիս ղեկավարությունը և Քլինթոնը շատ ագրեսիվ են հարձակվում Պուտինի վրա: «Նրանք անընդհատ վիրավորում են նրան: Ուզում եմ ասել, որ զարմանալի չէ, որ նա տանել չի կարողանում Օբամային ու Հիլարի Քլինթոնին»,- ասել է Թրամփը:
Թրամփը պնդում էր, որ Պուտինը «չի սիրում և չի հարգում Օբամային», ինչպես նաև ռուս-ամերիկյան հարաբերություններում առկա բարդություններն «իրապես աղետալի իրավիճակ» է անվանել:
«Եթե նոյեմբերի 8-ին ես հաղթանակ տանեմ, ապա կարող եմ պատկերացնել, որ կհանդիպեմ Պուտինի և Ռուսաստանի հետ մինչև իմ երդմնակալության արարողությունը»,- հայտարարել է Թրամփը: