ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ հոկտեմբերի 25-ին՝ ժամը 21:30-ի դրությամբ, Արագածում, Սպիտակում, Ստեփանավանում, Վանաձորում, Տաշիրում, Դիլիջանում, Սևանում, Հրազդանում, Նոյեմբերյանում, Ախուրյանում, Աշոցքում, Վայքում, Սիսիանում, Գորիսում, Կապանում, Մեղրիում տեղում է ձյուն:
ՀՀ միջպետական և հանրապետական նշանակության ավտոճանապարհները բաց են:
ՀՀ միջպետական և հանրապետական նշանակության ավտոճանապարհներին շուրջօրյա հսկողություն են իրականացնում ճանապարհը սպասարկող ճանապարհաշինական ընկերությունները, կատարվում են, աղով, ավազով մշակման և մաքրման աշխատանքներ:
Վարորդներին խորհուրդ է տրվում երթևեկել բացառապես ձմեռային անվադողերով:

ՀՀ տրանսպորտի, կապի և տեղեկատվական տեխնոլոգիաների
նախարարության լրատվական ծառայություն