Ստեղծվել է համակարգչային նոր մկնիկ, որ նախատեսված է ոտքով կառավարելու համար։ Ոտնաթաթի համար ստեղծված մկնիկը նախատեսված է վերին վերջույթների հաշմանդամություն, կամ բացակայություն ունեցող մարդկանց համար։
Նոր մկնիկներն արտաքին տեսքով նման են լողավազանային հողաթափերի։ Մկնիկի վրա հատուկ ելուն կա, որի միջոցով այն ամուր հագնում է ոտքին։ Ոտնաթաթի մեծ մատի տակ գտնվում է մկնիկի ձախ սեղմակն, իսկ աջ սեղմակը կառավարվում է մնացած մատներով։ Մկնիկն իր գործառույթներով չի տարբերվում սովորական մկնիկից։