Վարչապետ Կարեն Կարապետյանը` մինչ կառավարության նիստի մեկնարկը, մի շարք հանձնարարականներ է տվել: Մասնավորապես, Կրթության և գիտության, ինչպես նաև Պաշտպանության նախարարությանը հանձնարարել է համատեղ աշխատել և ավարտին հասցնել «Փոքր Մհեր» կրթահամալիրում կատարվող ուսումնասիրությունները: «Եռօրյա ժամկետում պետք է ամփոփել և արդյունքները ներկայացնել»,- ասել է վարչապետը:

Հիշեցնենք, որ «Փոքր Մհեր» կրթահամալիր պետական ոչ առևտրային կազմակերպության տնօրենը պարբերաբար սպառնալիքներ և անպարկեշտ արտահայտություններ է հնչեցրել կրթահամալիրի սաների հասցեին՝ նվաստացնելով նրանց արժանապատվությունը: