Ռուսական աղբյուրներին հղումով "Ֆրանս-3"-ը հայտնում է, որ Հայաստանի ֆուտբոլի ազգային հավաքականի հավանական թեկնածուներից են ֆրանսահայ Միշել Տեր-Զաքարյանը եւ ուրուգվայահայ Սերխիո Մարգարյանը։ Միշել Տեր-Զաքարյանը ծնվել է Հայաստնում՝ 1963 թվականին։ Նա այժմ գլխավորում է "Նանտը", 1990-ականներին նա խաղացել է Հայաստանի ազգային հավաքականում։ Ի դեպ, ՀՖՖ նախագահ Ռուբեն Հայրապետյանը Դանիայի հավաքականի նկատմամբ մերոնց տարած հաղթանակից հետո երկրպագուների հետ զրույցում չէր թաքցրել Տեր-Զաքարյանին մեր հավաքականի մարզիչի դերում տեսնելու իր ցանկությունը։ Հիշեցնենք, որ այսօր ազգային հավաքականի ներկայիս մարզիչ Վարդան Մինասյանը հայտարարել է իր աշխատանքը չշարունակելու մտադրության մասին։ |