Հենց Բելգիայի սահմանագլխին, Հյուսիսային ծովախորշերից մեկը, որ Նիդերլանդները բաժանում է Բելգիայից, բայց որը վարչականորեն պատկանում է Հոլանդիային և մտնում է Զելանդի պրովինցիայի կազմ ' անվանվում էZeeuws-Vlaanderen: Այս տարածքի սրտում է գտնվում Oostburg քաղաքը, որի նկատմամբ վերջին ժամանակաշրջանում զբոսաշրջիկների հետաքրքրասիրությունը նվազել է: Այդ պատճառով աշխատանքներ է տարվում քաղաքի բարի անունը վերականգնելու ուղղությամբ: Շուտով երևի այս ջանքերը պսակվեն հաջողությամբ, քանի, որ գործնական քայլեր արդեն ձեռնարկվում են: Մշակութային բազմազանությունը, կազմակերպվող տարբեր միջոցառումներն ու նախաձեռնությունները այս քաղաքին նոր շունչ են տալիս: Նույնիսկ բացվել է հայկական խոհանոցով և անվամբ ռեստորան, որը կրում է 't Armeense Hoekje (հայկական անկյուն) գեղեցիկ անունը: Ձեզ ներկայացվող տեսաերիզները ցույց են տալիս, որ այս փոքրիկ գյուղաքաղաքի բնակիչներն իրոք մտահոգ են իրենց բնակավայրի բարօրությամբ: Zeeuws-Vlaanderen-ը միավորում է 3 վարչական շրջաններ Sluis, Terneuzen և Hulst, մեկը մյուսից գեղեցիկ և գրավիչ տուրիստական վայրեր: Այս տարածքն զբաղեցնում է մոտավոր 733, 12 կմ2, Հոլանդիայի հետ երկաթգծային հաղորդակցություն չունի, գնացքի ամենամոտ կայարանը Բելգիայում է (Խենթ, Կնոկե, Բրյուգե) ապրում է 710 հազար մարդ: