USD 402.56, EUR 440.64, RUB 4.58, GBP 505.01
+9 °C, +9 °C ... +19 °C Վաղը`+18 °C
+9 °C, +9 °C ... +19 °C Վաղը`+18 °C
Մասնագիտական կողմնորոշում
15:00, 15.02.2018
4584 | 0
Մեր դպրոցի տնտեսագիտական ենթահոսքի 10-րդ դասարանի աշակերտներն այցելեցին Գյումրու գարեջրի գործարան: Գարեջրի գործարանում աշակերտներին դիմավորեց առքման բաժնի պետ Սեպուհ Ջանոյանը, որը ներկայացրեց գարեջրի ստեղծման պատմությունն ու «Գյումրի» գարեջրի մրցունակությունը այսօրվա միջազգային շուկայում: Աշակերտներն իրենց «Ձեռնարկատիրական կրթության» դասաժամերին ստացած գիտելիքներն օգտագործեցին՝ մասնագետներին ուղղելով տարբեր հարցեր: Մասնագետների հետ ծավալվեց զրույց առաջարկի և պահանջարկի գնային առաձգականության շուրջ: Այնուհետև աշակերտներն եղան ածիկի եփման արտադրամասում, որտեղ արտադրամասի պետ Ավետիք Գրիգորյանը բացատրեց գարեջրի եփման պրոցեսը: Եղան մառանում, որտեղ գարեջուրը պահվում է -2-ից -4 ջերմաստիճանում 35-40 օր: Այդտեղից գարեջուրը տեղափոխվում էր մյուս արտադրամաս և շշալցվում: Շատ հետաքրքիր էր փոքր կապսուլաների վերածումը պլաստիկ շշերի: Աշակերտները շատ ոգևորված և ոգեշնչված էին՝ տեսնելով բիզնեսի ակնառու պատկերը: Իսկապես օգտակար էր նման հանդիպումը մասնագիտության ընտրության համար: Աշակերտները տպավորված էին և դաստիարակչական աշխատանքների կազմակերպիչ Լ. Ասատրյանի և «Ձեռնարկատիրական կրթություն» դասավանդող ուսուցչուհի Գ. Սիմոնյանի հետ մտածում էին հաջորդ այցելության վայրի մասին: |
Մամուլի խոսնակ` Գյումրու N45 միջնակարգ դպրոց
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Գյումրու N45 միջնակարգ դպրոց
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: