Առաջիկայում շարունակելու ենք մեր սկանդալային բացահայտումները Հարավկովկասյան երկաթուղուց: Մեր հրապարակումները այնպիսի լայն արձագանք են ստանում, որ երկաթուղայինները սրտի տրոփյունով սպասում են հաջորդ նյութին, իսկ թալանչի ղեկավար անձնակազմը հոգեխանգարմունքի մեջ է հայտնվում, ժողովներ հրավիրում: Իսկ մինչ ղեկավարությունը ահը սրտում ապրում է՝ սպասելով իրավապահների այցին, շարքային մտահոգ աշխատակիցները մեզ անդադար նամակներ են ուղարկում, նորանոր փաստեր, տվյալներ ներկայացնում: Օրինակ՝ մեր ստացած նամակներից մեկի մեջ մի ցնցող բացահայտման հանդիպեցինք, որը կապված է անձամբ Վալկոյի եւ Լադոշայի կոռուպցիոն գործունեության հետ: Նամակում բավականին մանրամասն եւ բազմաթիվ փաստերով ներկայացվում է, թե ինչպես է ՀԿԵ-ի հետ աշխատող ընկերություններից մեկից Լադոշան ատկատ պահանջել, ինչին նրանք չեն համաձայնել: Եւ երկաթուղու ղեկավարությունը իր կարճ խելքով որոշել է այդ ընկերության կյանքը դժոխք սարքել, արհեստական խնդիրներ ստեղծել, կատարված ծառայությունների գումարները չփոխանցել: Դրանից հետո Վալկոն հանդիպման է կանչել այդ ընկերության տնօրենին իբր խնդիրները լուծելու, ի դեպ, հանդիպումը կայացել է Երեւանի ռեստորաններից մեկում, սակայն ունքը սարքելու տեղը աչքն էլ քոռացրել է: Հանդիպումից անմիջապես հետո պարտքը մարվում է, սակայն առանց պայմանագիրը դադարեցնելու այլեւս չեն աշխատում այդ ընկերության հետ: Կոռուպցիայի այս պատմությանը կանդրադառնանք առաջիկայում ավելի մանրամասն՝ փաստերով, ամսաթվերով, լուսանկարներով: |