USD 402.56, EUR 440.64, RUB 4.58, GBP 505.01
+17 °C, +15 °C ... +28 °C Վաղը`+29 °C
+17 °C, +15 °C ... +28 °C Վաղը`+29 °C
Մեր ժամանակի «հերոսը»
15:39, 09.03.2018
10484 | 0
Երբ 1875 թվականին առաջին անգամ բեմադրվեց Ժորժ Բիզեի «Կարմեն» օպերան, այն հաջողություն չունեցավ: Նույնիսկ առաջադեմ համարվող ֆրանսիացիները պատրաստ չէին բեմում այդպիսի ռեալիստական ներկայացում տեսնել: Քննադատները սկսեցին Բիզեին մեղադրել անբարոյականության մեջ: Բիզեն սրտի կաթվածից 36 տարեկան հասակում վախճանվեց: Այն ժամանակ որևէ ֆրանսիացու մտքով անգամ չէր կարող անցնել, որ տարիներ հետո «Կարմեն» օպերան կարող է դասվել օպերային արվեստի գլուխգործոցների շարքը: Ընդհանրապես, նոր ոճն ու ուղղությունը անընդունելի է ժամանակակիցների համար: Այն գնահատվում է միայն տարիներ հետո: Մովսես Խորենացու մեդալով պարգևատրված Դիանա Գրիգորյանը ստեղծագործում է՝ լավ, թե վատ: Դատելով արձագանքներից, պարզվում է, որ նա բավականին ճանաչում ունեցող բեմադրիչ է, ում սերիալները դիտում են նաև ՝նրա ընդդիմախոսները: Այդ մասին են վկայում արձագանքները: Պարտադի՞ր է, որ նրա աշխատանքներն, անխտիր, բոլորին դուր գան: Նրա ստեղծագործությունների մասին մեկ տարի առաջ, արդեն գրել եմ: Նա է մեր ժամանակի «հերոսը»: Ավելի լավ գործեր ստեղծողներն արենայում չեն երևում: Սա է իրականությունը: Ուզեն, թե չուզենք: Ինչ է, Խորենացու՞ն պետք է պարգևատրեին, ինչպես տարիներ առաջ սփյուռքի նախարարությունը ''Մայրենիի դեսպան'' հուշամեդալով հետմահու պարգևատրեց Մեսրոպ Մաշտոցին: |
Հեղինակ` Արմեն Ալոյան
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Արմեն Ալոյան
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: