Հունիսի 30-ին սահմանամերձ Նոյեմբերյան համայնքի հավատավոր զավակների հետ մենք ևս ուխտագնացության ենք մեկնում ԱՄԵՆԱՅՆ ՀԱՅՈՑ ՀՈԳԵՎՈՐ ԿԵՆՏՐՈՆ ՄԱՅՐ ԱԹՈՌ ՍՈՒՐԲ ԷՋՄԻԱԾԻՆ մեր ուխտը նորոգելու և վերահաստատելու, մեր որդիական սերն ու աջակցությունը բերելու ու միասնաբար Մայր Տաճարում աղոթք բարձրացնելու առ Բարձրյալն Աստված ազգիս միասնականության և անսասանության համար: Մեր սրտագին աղոթքն ու մաղթանքն է, որ Ամենակալն Աստված մշտապես զորավիգ և օգնական լինի Վեհափառ Տիրոջը, պարգևելով պաշտոնավարության երկար ու արդյունաբեր տարիներ, արևշատ և առողջ կյանք, որպեսզի Նա շարունակի Հայ Եկեղեցին առաջնորդել իր պատկառելի պատմությանը համապատասխան: Թող Տերն անպակաս անի Իր հովանին Աստվածահիմն Մայր Աթոռի և նրա Աստվածընտիր գահակալի վրա, որպեսզի Իր միջոցով նաև անսասան մնա Հայ Եկեղեցին: Բոլոր ցանկացողները կարող են միանալ: |