Մենք` Գեղարքունյաց թեմի եկեղեցականներս, Առաջնորդական Տեղապահ Հոգեշնորհ Տ. Կիրակոս վրդ. Դավթյանի գլխավորությամբ, չենք կարող անտարբեր մնալ վերջին շրջանին Առաքելական Մեր Սուրբ Եկեղեցու հոգևոր անդաստանում տեղի ունեցող իրադարձությունների և ազգային-եկեղեցական մեր կյանքը խաթարող դեպքերի առնչությամբ: Մեր հոտի զավակները վրդովված են ձևավորված շարժման շարունակվող անհեթեթ և Մեր Սուրբ Եկեղեցու կարգաց ու կանոնաց հակառակ պահանջների առաջադրումից: Այս շարժման սանձարձակությունն այլևս անցել է թույլատրելի բոլոր սահմանները, և վերջիններս պատրաստվում են բողոքի ցույց կազմակերպել համայն հայության հոգևոր կենտրոնում, ինչը մեզ համար նկատվում է ոտնձգության փորձ մեր Սրբություն Սրբոց Մայր Աթոռ Սուրբ Էջմիածնի նկատմամբ: Ուստի, մենք մեր հոտի հավատավոր անդամների հետ միանում ենք հունիս 30-ին դեպի Մայր Աթոռ Սուրբ Էջմիածին կազմակերպվող ուխտագնացությանը` մեր ջանքերը բերելու այդ սրբապղծության կանխմանը` ի զորակցություն և աջակցություն Ազգիս Վեհափառ Հայրապետի: |