Mamul.am
Ամբողջական տարբերակ
USD 476.98, EUR 527.68, RUB 7.46, GBP 615.73
0 °C, 0 °C ... +8 °C Վաղը`+7 °C
Hay / Հայ | Рус | Eng | Tür
Զորավարի ևս մեկ հուշարձան, այս անգամ Վանաձորում
01:15, 28.10.2019

Զորավարի ևս մեկ հուշարձան, այս անգամ Վանաձորում


Զորավարի ևս մեկ հուշարձան, այս անգամ Վանաձորում
Նորայր Զուլոյանին տարբեր երկրների հայ գաղթօջախներում են ճանաչում: Նրա և ընկերների համարձակ մտահաղացումներով շատ նախագծեր են կյանքի կոչվել: Օրերս Վանաձորին նվիրված օրվա առիթով տեղի ունեցավ Զորավար Անդրանիկի բրոնզաձույլ արձանի բացումը: Շնորհակալություն Նորայր Զուլոյանին, նրա բոլոր համախոհ ընկերներին, նվիրատուներին այս հիանալի նախագծի իրականացման ու Վանաձորի տոնը կատարյալ դարձնելու համար: Մենք դեռ առիթ կունենանք անդրադառնալու հայորդու գործունեությանը, քանզի նրա մասին ասելիք ունենք, բայց դա թողնենք հետո...

Հուշարձանը կառուցվել է, , Ինտերկապ, , ՀԿ-ի նախաձեռնությամբ, Վանաձորի քաղաքապետարանի աջակցությամբ և համայն հայության նվիրատվություններով: Քանդակագործն է՝ Գեղամ Բեգջանյանը, ճարտարապետը՝ Սուրեն Աբովյանը:

Միջոցառնամը ներկա էին Լոռու մարզի ղեկավարները և պատասխանատուները մարզպետ՝ Անդրեյ Ղուկասյանի գլխավորությամբ, Վանաձորի քաղաքապետարի ղեկավարները և պատասխանատուները քաղաքապետ՝ Մամիկոն Ասլանյանի ղեկավարությամբ, Գուգարաց թեմի առաջնորդ Տեր Սեպուհ Արքեպիկոպոս Չուլջյանը, ԱԺ պատգամավորներ, հուշարձանի կառուցման նախաձեռնող խմբի անդամները Նորայր Զուլոյանի գլխավորությամբ, հյուրեր բազմաթիվ երկրներից և Հայաստանից, տարբեր բնագավառների անվանի գործիչներ, արցախյան ազատամարտի վետերաններ ԵԿՄ անդամներ, հասարակական կազմակերպություններ, մեր քաղաքի և մարզի հարյուրավոր բնակիչներ: Ուղերցներ էին ուղարկվել Ֆրանսիայի, , ԱԶԱԴ, , կազմակերպությունից, Գերմանիայի, , Ինտերկապ, , -ից հանձինս Վանաձորի պատվավոր քաղաքացի Ռայներ Քոզելի:
Անվանի ասմունքող և հանդիսավար Ջիվան Սարգսյանի բացման խոսքից հետո Երևանի Զորավար Անդրանիկի թանգարանի հիմնադիր տնօրեն՝ Ժորժետա Բեգլարյան Առաքելյանի որդու Գուրգենի և աշխատակիցների հետ թանգարանից բերված զորավարի սուրը հանձնեց արցախյան ազատամարտի հրամանատար, գեներալ լեյտենանտ, , Լոռվա ասպետ, , Միքայել Գրիգորյանին: Այնուհետև Լոռու մարզպետ Անդրեյ Ղուկասյանը, Վանաձորի քաղաքապետ՝ Մամիկոն Ասլանյանը, , , Ինտերկապի, , նախագահ՝ Նորայր Զուլոյանը, հայ մեծ բարերար՝ Մարտիրոս Մինասյանը բացեցին հուշարձանը: Սրբազանի խոսքից հետո ելույթներ ունեցան Վանաձորի քաղաքապետ՝ Մամիկոն Ասլանյանը, անվանի գրող հրապարակախոս, անդրանիկագետ՝ Կարո Վարդանյանը, անդրանիկագետ գրող՝ Ռուբեն Սիմոնյանը:
ՀՀ վաստակավոր նկարիչ՝ Ռուբեն Արուտչյանը իր հեղինակած մեծադիր Զորավարի նկարը նվիրեց Նորայր Զուլոյանին, Զորավարի թանգարանի, , Զորավար Անդրանիկ, , մեդալը հանձնվեց քանդակի հեղինակին՝ Գեղամ Բեգջանյանին, նվերներ հանձնեց նաև գրող թարգմանիչ՝ Շողիկ Ամիրխանյանը և միջոցառումը շարունակվեց հետաքրքիր գեղարվեստական կատարումներով, որին մասնակցեցին ազատամարտիկ՝ Բաբկեն Հախոյանը, գուսան Ռազմարը, երիտասարդ անվանի երգիչներ և շնորհալի դպրոցականներ: Միջոցառումը բարձր մակարդակով վարեցին ՝ Ջիվան Սարգսյանը և Հրաչուհի Լոռեցյանը:








Մամուլի խոսնակ` Նիդերլանդական Օրագիր
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Նիդերլանդական Օրագիր
դեպի վեր