Հայոց բանակը մեր սերն է, ծնողը, զավակը, թոռն ու ծոռը, մեր տունուտեղը, մեր նվիրական ու իրական երազանքը․․․ Մենք ենք Հայոց բանակը՝ զինվոր ու սպա, ուսուցիչ ու գիտնական, շինարար ու այգեգործ, արվեստագետ ու տմտեսագետ, իրավաբան ու դիվանագետ․․․ Մեր բանակը ողջ Հայ ազգն է ու Հայաստանում ապրող և նրա սահմանը պահող բարեկամ ազգերի ամեն մարդ, ում համար թանկ է պատմության քառուղիներում սրբացած մեր հողը․․․
Սիրելի բարեկամներ, սակայն միայն հաղթանակի բերկրանքով հպարտանալն ու ապրելը քիչ է, հարկավոր է ռազմադաշտից այդ հաղթանակը շարունակել տնտեսական դաշտում՝ կառուցելու հզոր հայրենիք։ Ուրեմն՝ եղբայրաբար, ձեռք-ձեռքի տված, Մայիսյան հաղթանակների ոգով ու տրամաբանությամբ շենացնենք մեր մեծ տունը՝ Հայաստան աշխարհը․․․
Եկեք եղբայրաբար ու սրտանց շնորհավորենք իրար, որ բարին շատանա, և Հայրենիքը ոգով զորանա․․․