USD 402.56, EUR 440.64, RUB 4.58, GBP 505.01
+29 °C, +16 °C ... +29 °C Tomorrow:+28 °C
+29 °C, +16 °C ... +29 °C Tomorrow:+28 °C
Բարեկենդանը որպես եկեղեցու ծեսի անբաժան մասնիկ, շատ հետաքրքրական անցկացվել է վանքերում և այդ օրը կոչվել է «Աբեղայաթող». Տ.Զորայր քահանա Կարապետյան
20:46, 10.02.2024
7229 | 0
«Յուրաքանչյուր շաբաթապահքից առաջ Հայ Առաքելական Եկեղեցին ունի տոնի Բարեկենդան, մեծ պահքից առաջ տոնվող բարեկենդանը կոչվում է Բուն Բարեկենդան, քանի որ հաջորդում է քառասնորդական պահքը: Այս տարի Հայ Առաքելական եկեղեցին Բուն Բարեկենդանը նշում է փետրվար 11-ին: Բուն Բարեկենդանից առաջ շաբաթ երեկոյան ժամերգության ընթացքին հոգևոր դասը երգում է «Բանն որ ընդ Հօր» շարականը և փակվում է եկեղեցու վարագույրը, քանի-որ ըստ եկեղեցու կարգի երեկոյան ժամերգության ավարտին օրը փոխվում է: Իսկ արդեն փետրվարի 11-ի երեկոյից մտնում ենք ՊԱՀՈՑ ՇՐՋԱՆ: Այս ընթացքին արարողակարգերը ավելի քիչ են, Սուրբ Պատարագները մատուցվում են փակ վարագույրով, հաղորդություն չի տրվում, Ավետարան չեն համբուրում, քարոզի հատվածը կատարվում է վերջում: Այս ընթացքում վարագույրը բացվում է այն ժամանակ, երբ նշյալ եկեղեցու տոնի օրն է, կամ այլ եկեղեցական մեծ կարևոր տոն է, որից հետո կրկին փակվում է: Վերադառնալով Բուն Բարեկենդնանին պետք է նշենք, որ ժամանակին այս տոնը ավելի հետաքրքիր ձևով է անցկացվել, եվրոպական երկրներում սա նույնիսկ ավելի շատ ասոցացվել է Դիմակահանդեսի հետ: Բարեկենդանը որպես եկեղեցու ծեսի անբաժան մասնիկ շատ հետաքրքրական անցկացվել է վանքերում և այդ օրը կոչվել է Աբեղայաթող, մի փոքր ավելի ազատություն է տրվել և հոգևոր իմաստով և սննդակարգի իմաստով, որովհետև դրանից հետո բոլորն անցել են լուռ աղոթական վիճակի, այդ օրը վանքերում կազմակերպել են տոնակատարություններ, թափորներ են արվել, ձայների մեծամասնությամբ թափորապետ է ընտրվել, կարողացել են կատակներով զվարճացնել մարդկանց, ոչ միայն այժմյան իմաստով ասված ասել խոսելով ուղղակի, այլ այդ ամենով մարդկանց հասկացնել իրենց սխալը և այդ օրը որևէ մեկը մյուսից չի նեղացել ասածի համար, կարգը եղել է այդպես և տարվա մեջ միայն այդ օրը: Եվ նաև կա այսպիսի ժողովրդական ավանդություն, որ Բուն Բարեկենդանի օրը մարդիկ ապրել են խրախճանքով, քնելուց առաջ կերել են թանապուր և ձու ու քնել և ասվում է այդ ձվով փակել են իրենց բերանները, որպեսզի չշատախոսեն մեծ պահոց շրջանին ու Հարության տոնին կարմիր ներկված ձևով իրենց բերանները բացեն նորից: Խնդրանքս և հորդորս է բոլոր հավատացյալներին, որպեսզի Բուն Բարեկենդանով սկսեն իրենց աղոթական կյանքը, աղոթենք մեկս մոյւսի համար, մնանք մշտապես աղոթական վիճակի մեջ, փորձենք մեկս մյուսի մեր աղոթքով օգտակարություն բերել, որովհետև աղոթքից միայն բարություն է բխում»: |
Author: Նաիրա Դավթյան
The article published in the Spokesperson project.
Share with friends
Նաիրա Դավթյան
11:29, 18.12.2023
506 | 0
22:24, 16.01.2020
3864 | 0
17:38, 06.01.2019
4845 | 0
21:02, 24.08.2018
6990 | 0
16:49, 04.04.2018
5827 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.