USD 402.56, EUR 440.64, RUB 4.58, GBP 505.01
+24 °C, +15 °C ... +28 °C Tomorrow:+29 °C
+24 °C, +15 °C ... +28 °C Tomorrow:+29 °C
Բնապահպանության նախարարության պատվիրակությունը Մաստրիխտում
02:52, 09.07.2014
2542 | 0
Հայաստանի Հանրապետության բնապահպանության նախարարի տեղակալ Խաչիկ Հակոբյանի ղեկավարած պատվիրակությունը 2014թ. հուլիսի 1-3-ը Նիդերլանդների Թագավորության Մաաստրիխտ քաղաքում մասնակցել է Օրհուսի կոնվենցիայի անդամ երկրների 5-րդ նստաշրջանին և «Աղտոտիչների արտանետման և տեղափոխման մասին» արձանագրության (ԱԱՏՌ արձանագրություն) անդամ երկրների 2-րդ նստաշրջանի բարձրաստիճան պաշտոնյաների հանդիպմանը: Նախարարության տեղեկատվության վարչության փոխանցմամբ՝ հանդիպման ընթացքում ներկայացվել և ընդունվել է Մաաստրիխտի Հռչակագիրը, որն իր մեջ պարունակում է դրույթներ՝ կապված Օրհուսի կոնվենցիայի և Աղտոտիչների արտանետման և տեղափոխման մասին արձանագրության դրույթների տարածման, իրականացման և այդ ոլորտում մոտակա չորս տարվա ռազմավարության հետ: Հայաստանի բնապահպանության նախարարի տեղակալ Խաչիկ Հակոբյանը, ներկայացնելով կոնվենցիայի պահանջների կատարման ուղղությամբ տարվող աշխատանքները, տեղեկացրել է, որ 2014թ. հուլիսի 21-ին Ազգային Ժողովն ընդունել է «Շրջակա միջավայրի վրա ազդեցության գնահատման և փորձաքննության մասին» օրենքը: Հաշվի առնելով այդ հանգամանքը՝ Կոնվենցիայի քարտուղարության հետ պայմանավորվածություն է ձեռք բերվել, որ Հայաստանը առաջիկայում ներկայացնի տեղեկատվություն այդ օրենքից և դրա ենթաօրենսդրական ակտերից բխող իրականացվելիք աշխատանքների մասին: Բնապահպանության նախարարի տեղակալը հանդիպել է նաև Նիդերլանդների Թագավորության բնապահպանության նախարար Վիլմա Մանսվելդի, Ուկրաինայի շրջակա միջավայրի և բնական պաշարների նախարար Անդրեյ Մոխնիկի, Մաաստրիխտի քաղաքապետի և ԵԱՀԿ-ի Վիեննայի գրասենյակի ղեկավարի հետ: Հանդիպումների ժամանակ նախանշվել են հետագա համագործակցության ոլորտները և ուղիները: |
Spokesperson: Նիդերլանդական Օրագիր
The article published in the Spokesperson project.
Share with friends
Նիդերլանդական Օրագիր
14:09, 27.04.2024
158 | 0
17:25, 25.04.2024
215 | 0
23:33, 19.04.2024
1299 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.