USD 402.56, EUR 440.64, RUB 4.58, GBP 505.01
+29 °C, +16 °C ... +29 °C Tomorrow:+28 °C
+29 °C, +16 °C ... +29 °C Tomorrow:+28 °C
Կիբերտարածքի հարցերով համաշխարհային համաժողովին մասնակցել է ՀՀ ԱԳ նախարարի տեղակալը
16:52, 28.04.2015
2073 | 0
Ապրիլի 16-ին Նիդերլանդների Հաագա քաղաքում բացվեց Կիբերտարածքի հարցերով համաշխարհային համաժողովը, որը նպատակ ունի քննարկելու էլեկտրոնային միջոցների կիրառմանն առնչվող հարցերն ու ծագող հնարավորություններին զուգահեռ զարգացող նոր մարտահրավերները և փորձել համագործակցային ուղիներ մշակել դրանց լուծման համար: Այս մասին հայտնում է ԱԳՆ լրատվական ծառայությունը: Համաժողովին մասնակցում էր Հայաստանի պատվիրակությունը` ԱԳ նախարարի տեղակալ Աշոտ Հովակիմյանի գլխավորությամբ: Պատվիրակության կազմում ընդգրկված են նաև ՀՀ ԶՈՒ և Ոստիկանության ներկայացուցիչները: Նախարարի տեղակալն իր ելույթում ներկայացրեց Հայաստանի իրականացրած քայլերը կիբերհանցավորության դեմ պայքարում և դիրքորոշումները կիբերտարածքի զարգացման ապագա սկզբունքների առումով` մասնավորապես նշելով, որ ինքնության վրա հիմնված բռնությունների գործադրման, այդ թվում նաև` ցեղասպանության կամ անցյալում իրականացված ցեղասպանությունների ոճրագործների փառաբանման կոչերը համացանցի միջոցով վերածվում են լուրջ վտանգի միջազգային խաղաղության ու անվտանգության համար: Աշոտ Հովակիմյանը մասնավորապես նշեց. «ՄԱԿ-ի կանոնադրության բոլոր նպատակներն ու սկզբունքները պետք է հավասարապես, իրենց ամբողջությամբ կիրառելի լինեն ինչպես ցանցերից դուրս, այնպես էլ` առցանց: Այս առումով կարևոր է մարդու բոլոր իրավունքները պաշտպանել ամենուր` անկախ այդ տարածքների իրավական կարգավիճակից, ինչպես ամրագրված է Մարդու իրավունքների համընդհանուր հռչակագրում»: |
Spokesperson: Նիդերլանդական Օրագիր
The article published in the Spokesperson project.
Share with friends
Նիդերլանդական Օրագիր
14:09, 27.04.2024
93 | 0
17:25, 25.04.2024
202 | 0
23:33, 19.04.2024
1287 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.