USD 402.56, EUR 440.64, RUB 4.58, GBP 505.01
+26 °C, +16 °C ... +28 °C Tomorrow:+28 °C
+26 °C, +16 °C ... +28 °C Tomorrow:+28 °C
Ինչպես հաղթահարել անքնությունը
21:29, 08.02.2013
7089 | 0
Քունը մեր օրգանիզմի համար շատ կարևոր պրոցես է: Մարդիկ` ովքեր տառապում են անքնությամբ առաջարկում եմ հետևել խորհուրդներիս: Պառկեք անկողնում մեջքի վրա: Ձեռքերը դրեք ոտքերի երկարությամբ` ափերով ներքև, և թեթևակի ծալեք արմունկները` այդ դիրքում մկանները առավելագույն թուլացման վիճակում են: Ոտքերը մի փոքր իրարից հեռացրեք: Հարկավոր չէ պառկել շատ բարձր բարձի վրա: Այդ դեպքում ծնոտը կսեղմվի կրծքին, իսկ դա կդժվարեցնի շնչառությունը: Շատ ցածր բարձի վրա գլուխը ետ է ընկնում, և պարանոցի առաջնային մկանները լարվում են: Փակեք աչքերը: Մտքում և շատ դանդաղ արտասանեք հետևյալ կարճ նախադասությունը. «ես հանգստանում եմ» : «Ես» - ի վրա թեթև շունչ քաշեք, իսկ «հանգստանում եմ» -ի վրա` երկարատև արտաշնչում: Բացի դրանից, «ես» բառի հետ միասին ուշադրությունն ուղղեք ձեր դեմքին, իսկ «հանգստանում եմ» բառերն արտասանելիս, դանդաղորեն զննեք ձեզ ամբողջությամբ` դեմքից մինչև ոտքի մատերը: Միաժամանակ պատկերացրեք, որ ձեր ուշադրության լուսավոր բիծը վերացնում է մկանների լարվածությունը, նրանց ազատում է կաշկանդվածությունից, թուլացնում, թեթևացնում է մարմինը (այս վարժությունը կատրեք երկու անգամ): Ապա «ուշադրության բիծը» պահեք դեմքի վրա և մտովի ասացեք ձեզ. «Իմ ուշադրությունը կանգ առավ իմ դեմքի վրա» : Այդ նախադասությունը կրկնեք երկու անգամ, առանց ուշադրությունը շեղելու: Միառժամանակ պատկերացրեք, որ դեմքը հանգստանում է, դառնում է անկիրք, ինչպես դիմակ: Այնուհետև, մտքում արտասանեք դարձյալ երկու անգամ և շատ դանդաղ երրորդ նախադասությունը. «Իմ դեմքը հանգիստ է» : Դրանք էլ հենց առաջին երեք «ինքնանեշնչման բանաձևերն են» : Իսկ ինչ բան է հանգիստ դեմքը: Հիշեք քնած մարդու դեմքի արտահայտությունը և անմիջապես ձեզ համար պարզ կդառնա, թե ինչպիսին պետք է լինի ձերը: Մկանները թուլացած են, մաշկի վրա գրեթե չկան ծալքեր` կնճիռներ, շրթունքներն ու ատամները սեղմված չեն: Պատկերացնելով, ինքներդ ձեզ օգնեք հանգիստ դեմք ընդունել: Դրա համար օգտագործեք ինքնաներշնչման հետևյալ չորս բանաձևերը: Սկզբում մտովի արտասանեք. «Շրթունքներն ու ատամները սեղմված չեն» և թեթևակի թուլացրեք դրանք: Այնուհետև, մտովի ուշադրության շրջանակը սահեցրեք ճակատի, աչքերի վրայով` պատկերացնելով, որ դեմքի այդ մասերի մկանները թուլանում են: Ինքնաներշնչման հինգերորդ բանաձևն է` «ճակատի, աչքերի, այտերի մկանները թուլացած են, հանգստացած» : Մկանների թուլացմանը նպաստում է տաքություը: Այդ պատճառով վեցերորդ բանաձևը հետևյալն` «Դեմքն սկսում է տաքանալ» : Վեցերորդ բանաձևը պետք է կրկնել վեցից ութ անգամ, դանդաղ, ընդմիջումներուվ, քանի դեռ դեմքի վրա թեթև, հաճելի զգացողություն չի առաջացել: Յոթերորդ բանաձևը` «Իմ ամբողջ դեմքը թուլացած է, հանգիստ, անշարժ և տաք» : «Անշարժ» բառը պետք է կապվի թմրության զգացողության հետ: Ինքնաներշնչման նոր փուլին անցնելուց առաջ, 7-10 օրվա ընթացքում աշխատեք յոթ բանաձևերով. երեկոյան երկու-երեք անգամ քնից առաջ: |
Author: Lola-Lola
The article published in the Spokesperson project.
Share with friends
Lola-Lola
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.