Դերասանուհի, հաղորդավարուհի Նազենի Հովհաննիսյանն Instagram-ի իր էջում դերասանուհի Մարջան Ավետիսյանի հետ լուսանկար է հրապարակել, որին կից կատարել է հետևյալ գրառումը. «Իմ սիրուն Մարջանը) ) ծնվել ենք նույն 1982- ի նույն` հուլիսի 9- ին նա, 18- ին` ես... երբ խոսում է, թվում է թե ինքս ինձ հետ եմ խոսում) ) ) գաղափարակից ընկերներ ենք` հազար տարվա: Մարջանը... մեր ժամանակների լավագույն դերասանուհիներից է: Պայծառ, հուզառատ, տարբեր, շատ փխրուն և անասելի կանացի: Երբ 2008- ին խաղում էինք «Արա Գեղեցիկ ու Շամիրամ» -ը, ես կուլիսներից 2- րդ գործողության սկզբում կուլիսներից ուշադիր հետևում էի նրա չքնաղ Նուարդին, որով ոգևորված խուժում էի բեմ` իբրև Շամիրամ, ու առավել ուժգին ցավով զգում Արայի կորուստն ու ողբում նրա մահը: Նուարդն առաքինի, ամուր ու վստահելի մի կերպար էր` ի դեմս Մարջանի: Հ. Գ. Նրա հետ աշխատելը, ընկերությունն ու պարզապես նույն քաղաքում ապրելը մեծագույն հաճույք է»: |