Ս.թ. նոյեմբերի 27-ին Արմավիր մարզի Բամբակաշատ գյուղի միջնակարգ դպրոցի ուսուցչուհի Շուշանիկ Մարտիրոսյանը VIIա դասարանում կազմակերպեց դաս-միջոցառում՝ «Գրականությունը և կյանքը» թեմայով: Դաս-միջոցառումը տեղի ունեցավ համակարգչային կաբինետում, որին ներկա էին տնօրեն տիկին Գայանե Պարոնյանը, ուսուցիչներ, ծնողներ: Դաս-միջոցառումը բաղկացած էր երեք մասից՝ · Ինչ է գրականությունը · Գրականություն և արվեստ · Ինչ է սովորեցնում գրականությունը Դաս-միջոցառման նպատակը՝ v Աշակերտների մեջ սերմանել բարություն, հայրենասիրություն v Հարստացնել գիտելիքների պաշարը v Ցույց տալ գրականության դաստիարակչական դերը v Մղել ստեղծագործական, որոնողական աշխատանքի v Զարգացնել խոսքը v Գրականությունը կապել արվեստի այլ ճյուղերի հետ Դաս- միջոցառումը սկսվեց Շուշանիկ Մարտիրոսյանի խոսքով: Նա խոսեց գրականության դաստիարակչական դերի մասին, մեջբերեց հայ մեծ գրողնրի խոսքերը, այնուհետև հարց ուղղեց աշակերտներին, թե ինչ է գրականությունը նրանց համար: Աշակերտները հայտնեցին իրենց կարծիքները, նշեցին նաև, որ գրականությունը արվեստի տեսակ է, առաջնակարգ տեղ ունի արվեստների մեջ: Դրա համար այն կոչում են նաև արվեստների մայր: Գրականությունը կապեցին արվեստի մյուս ճյուղերի հետ, նշեցին հայ գրական ստեղծագործություններ, որոնք դարձել են արվեստի գործեր, երգեցին, ասմունքեցին: Աշակերտները ոգեշնչվել էին Չարենցի «Տաղարան» շարքով և իրենց պատկերացմամբ նկարել էին Չարենցի բանաստեղծությունները: Աշակերտները ներկայացրեցին նկարները, մեկնաբանեցին և նշեցին, որ Չարենցի ստեղծագործությունները տեսնում են բոսոր, ոսկեգույն, նարնջագույն, տաք գույների մեջ: Պատասխաններին զուգահեռ՝ ինտերակտիվ գրատախտակին ցուցադրվում էին հայ գրողների, արվեստի գործիչների դիմանկարները և նրանց ստեղծագործությունները: Աշակերտները գրողների խոսքերի, բանաստեղծական տողերի, ասացվածքների միջոցով պատասխանեցին նաև այն հարցին, թե ինչ է սովորցնում գրականությունը: Ամփոփելով դաս-միջոցառումը՝ աշակերտներին հանձնարարվեց մեկ բառով գրել, թե ինչպիսին պետք է լինի մարդը: Նրանք գրել էին, որ մարդը պետք է լինի բարի, հայրենասեր, արդար, բարեհամբույր, անձնուրաց, նպատակալաց: Դաս-միջոցառումը եզրափակվեց ուսուցչուհու հետևյալ խոսքերով. «Սիրելի´ աշակերտներ, կյանքը բարդ է ու դժվար: Գրականությունը մեզ սովորեցնում է ճիշտ ապրել, ապրել այնպես, որ հետո չզղջանք մեր արածի կամ չարածի համար: Հիշե´ք, ինչ էլ որ սովորեցնի մեզ կյանքը, մեր սիրտը միշտ հավատում է հրաշքների: Յուրաքանչյուրիս սրտում ապրում են բազմաթիվ բարի, նուրբ, քնքուշ ու գունագեղ թիթեռներ: Բա՛ց թողեք ձեր հոգու թիթեռները, թող նրանք սավառնեն և լույս, բարություն, ջերմություն սփռեն աշխարհում»: |