«ԳեոՊրոՄայնինգ» ընկերությունների խումբը 30 տոննա մարդասիրական պարենային օգնություն է տրամադրել Հայաստանում իր ներկայության ազդակիր համայնքներին: Արտակարգ դրության պայմաններում այս նախաձեռնությունը պարբերական բնույթ է կրում։ Ընկերության ղեկավարության որոշմամբ մայիս ամսին օգնություն ստացավ Արարատի և Գեղարքունիքի մարզերի 2343 ընտանիք։ Ցուցակներում ընդգրկված են չափազանց ծանր կացության պայմաններում գտնվող ընտանիքները, մասնավորապես, միայնակ տարեցները (առանց խնամակալների), բազմազավակ ընտանիքները և հաշմանդամություն ունեցող քաղաքացիները։ Աջակցություն ստացողների ցուցակները ձևավորվել են Հայաստանի Հանրապետության Աշխատանքի և սոցիալական հարցերի նախարարության Սոցիալական աջակցության («Փարոս») ծրագրի բազայի հիման վրա։ Ընկերությունը այս սոցիալական ծրագիրը իրականացնում է տեղական ինքնակառավարման մարմինների աջակցությամբ: Կամավորների կողմից ձևավորված աշխատանքային խումբը կազմակերպում է օգնության բաշխումը կարիքավորներին: «ԳեոՊրոՄայնինգ» միջազգային հանքարդյունաբերական ընկերության հայաստանյան ակտիվներն են «ԳեոՊրոՄայնինգ Գոլդ» և «Ագարակի պղնձա-մոլիբդենային կոմբինատ» ընկերությունները։ |