MAMUL.am
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +11 °C ... +22 °C Yarın:+21 °C
Եվստախյան փողեր
17:34, 21.12.2023
544 | 0
Ինքնաթիռի թռիչքի և վայրէջքի ժամանակ կամ ավտոմեքենայի մեջ երբևէ նկատել եք ականջների փակվածության զգացողություն: Դա եվստախյան փողի ֆունկցիայի խանգարումն է, երբ ականջի թմբկախորշում բացասական ճնշում է առաջանում, ինչի արդյունքում փակվում են ականջները, իջնում է լսողությունը, բացի այդ ականջներում աղմուկի և ճնշման զգացողություններ են նկատվում, երբեմն նաև գլխացավեր են սկսվում: Եթե ինքնաթիռում կամ ավտոմեքենայի մեջ առաջացած անհարմարություններն արագ անցնում են, ապա քթի խոռոչի մի շարք հիվանդությունների՝ վիրուսային վարակների, պոլիպների, խեցիների մեծացման, թարախային բորբոքումների, մանկական տարիքում ադենոիդ հյուսվածքների հիպերտրոֆիայի և այլ բարդությունների արդյունքում եվստախյան փողի ֆունկցիայի խանգարումներ են առաջանում: Եվստախյան փողը դա ականջի խոռոչը՝ քթըմպանին կապող խողովակն է, որի շնորհիվ օդը քթի խոռոչից անցնում է ականջի խոռոչ: Բացի այդ եվստախյան փողի երկարատև փակվածության հետևանքով վատանում է կյանքի որակը, ականջի խոռոչում կարող է հեղուկ կուտակվել և տարբեր խնդիրների առաջացման պատճառ հանդիսանալ: Դեղորայքային բուժման անարդյունավետության դեպքում կատարվում է այդ փողի բալոնավորում: Սա բեկումնային լուծում է անվտանգ և եզակի բուժում եվստախյան փողի դիսֆունկցիայի ժամանակ: Այն միակ սարքն է, որը նախատեսված է եվստախյան փողի լայնացման համար, ովքեր մշտապես բախվում են այս խնդրին: Եվստախյան փողերի լայնացումն ունի բարձր արդյունավետություն: Միջամտությունից հետո վերականգնվում է փողի անցանելիությունը, անցնում է ականջի փակվածության զգացողությունը, վերականգնվում է լսողությունը: Հայաստանում առաջին անգամ եվստախյան փողերի լայնացում կատարվել է «Էրեբունի» բժշկական կենտրոնում:

Քիթ-կոկորդ-ականջաբանության բաժանմունքում մեկ տարուց ավելի է, հաջողությամբ կատարվում է այս միջամտությունը, որը հնարավորություն է տալիս բարելավել մարդկանց կյանքի որակը, կանխարգելել բարդություններն ու վերականգնել լսողությունը:
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Arkadaşlarınla paylaş
Vahe Mardoyan
17:34, 21.12.2023
545 | 0
yukarı