……….. Ոտքերդ ու մեջքդ՝ կրակ:
……….. Ձեռքերդ, կրծքերդ՝ կրակ:
Դու սիրո ոսկեվառ կրակ,
Իսկ ես մի հեթանոս սիրահար,
Էլ ինչպե՞ս չպաշտեմ արեգակ:
………...Դու սիրո ոսկեվառ կրակ:
………...Դու կերոն, դու ոսկե սրբախաչ,
………...Իսկ ես դեռ` չկնքված, կռապաշտ.
………...Մկրտիր հայացքով ինձ մավի
………...Եվ կախիր իմ կրծքին սիրո խաչ:
Դու կրակ, դու սիրո ոսկեխաչ,
Ես մի գիժ, հեթանոս, անհավատ,
Ինչո՞ւ ինձ չեն այրում քեզ վրա:
………..Վարսերդ կրակ են հասկի,
………..Շուրթերդ կրակ են մասրի,
……….. Հայցքդ կրակ է մավի:
Դու խարույկ, բոց ես, սիրո խաչ,
Ես` խելառ, հեթանոս խաչապաշտ,
Ինչպիսի՞ մեղք գործեմ, ինձ ասա,
Որ խաչեն, որ այրեն քեզ վրա:
1994 թ.