*** Վարդե՜ր, վարդե՜ր, վարդե՜ր, Էլի՛ վարդեր, Ձեր բուրմունքից, վարդե՛ր, Արբեցել է հոգիս: Երեկ տունս մտաք, Պարուրեցիք հոգիս, Դրախտային այգուց Քաղված անո՜ւշ վարդեր: Գիշեր ու զօր այստեղ, Իմ հոգու մեջ ապրեք, Ու ձեր տեսքից նորից Թող փըթըթի հոգիս, Չէ՞ որ ի՛մն եք, վարդեր: Դուք չեք եկել այնպես, Որ ես տխրեմ նորից, Արևի՛ պես վառման Ու հրաբոց վարդեր: Չթոռոմեք հանկարծ, Կխնամեմ ես ձեզ, Ու ձեր հոգում ե՛ս էլ Ջահել կապրեմ, վարդեր: Իմ խնամած վարդեր, Իմ բուրավետ վարդեր, Ծաղիկների իմ ծով, Կարմրացոլք վարդեր: Այսքան վարդեր ու սուրբ Ե՞րբ է տունս մտել, Իմ բյուրաճոխ վարդեր, Իմ գեղեցիկ վարդեր: Սիրտս՝ վարդերի ծով, Իր ափերից ելել Ու ձեր գիրկն է ընկել, Իմ քնքշաթով վարդեր: Այսպես՝ ամեն հոգի Թող ձեր բույրով հարբի, Իմ սիրացոլ վարդեր, Վարդե՜ր, կարմիր վարդեր… |