Մարկոսի գրած ավետարանում մի հատված կա, որն ընթերցելիս ակամա մութ եղելության մասին ակնարկի հարուցած կասկածով եմ համակվում: Ինչպես գիտեք, Մարկոսը ևս անադրադարձել է Հիսուսի ձերբակալությանը, բայց նրա պատումում կա մի վկայություն, որը բացակայում է մյուս ավետարաններում: Դա հետևյալն է.

«Այն ժամանակ աշակերտները բոլորն էլ լքեցին նրան եւ փախան: Եվ մի երիտասարդ գնում էր նրա հետևից՝ իր մերկ մարմնի վրա մի կտավ գցած: Երիտասարդներն արդեն բռնում էին նրան, բայց նա կտավը թողեց և մերկ փախավ նրանցից» (Մարկոս 14, 50 - 52):

Ի՞նչ եք կարծում, ո՞վ կարող էր լինել այդ մերկ երիտասարդը, ինչո՞ւ էր նա մերկ և ինչո՞ւ էր հենց նա գնում կալանավորված Հիսուսի հետևից: Ստացվում է, որ նա, մինչև բոլորին անակնկալի բերելը, մերկ է եղել ու հազիվ հասցրել է մերկությունը մի կտավով ծածկել: Նաև ստացվում է, որ նա է եղել Հիսուսին ամենանվիրվածը, որովհետև բոլոր աշակերտները փախել են, իսկ նա մի որոշ ժամանակ հետևել է նրան: Կեսգիշերին ինչո՞ւ է միայն նա մերկ եղել: Մի՞թե Հիսուսը…

Եթե ունեք վերոհիշյալ կասկածահարույց դրվագի բացատրությունը, խնդրում եմ, փարատեք, որովհետ սկսել եմ մտածել, թե այս դրվագը սոդոմական մեղքի, ոչ ավանդական սեռական կողմնորոշման մասին անուղղակի հիշատակություն է: