+17 °C, +15 °C ... +27 °C Վաղը`+19 °C
Թուրքիայի նախագահ Ռեջեփ Էրդողանը սպառնացել է ոչնչացնել Սիրիայի հյուսիսում ԱՄՆ-ի կողմից ստեղծված «սահմանային անվտանգության ուժերը», փոխանցում է РИА Новости-ն: «Այժմ ԱՄՆ-ն մեր սահմանների մոտ ահաբեկչական բանակ է ստեղծում, որն սպառնում է Թուրքիայի անվտանգությանը: Մեր խնդիրն է ոչնչացնել այդ բանակին, քանի դեռ այն չի ծնվել: Եթե ԱՄՆ-ն ցանկանում է այդ կերպ կարգավորել համագործակցությունն, ապա դա նրանց գործն է: Սակայն մենք դա թույլ չենք տա»,- ասել է Էրդողանը՝ ելույթ ունենալով Անկարայում: Նա նշել է, որ թուրք զինվորականները շարունակում են ռմբակոծել սիրիացի քրդերի ինքնապաշտպանության ուժերի դիրքերը: Նախօրեին հայտնի է դարձել, որ ԱՄՆ-ի գլխավորությամբ միջազգային կոալիցիան Սիրիայում «սահմանային անվտանգության ուժեր» է ստեղծում՝ իր վերահսկողության տակ գտնվող գոտու պաշտպանության համար: Նպատակը 30 հազար մարդուց բաղկացած ստորաբաժանման պատրաստումն է, ընդ որում, նրանցից 15 հազարը «Սիրիական ժողովրդավարական ուժերից» են: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am