Aston Martin ընկերությունը հրապարակել է Lagonda All-Terrain էլեկտրական քրոսովերի առաջին թիզերը: Պրեմիերան կկայանա Ժնևի ավտոցուցադրության ժամանակ մարտի սկզբին: Ավտոմեքենան կոչված է պատկերացում կազմելու բրիտանական ավտոարտադրողի նորույթի մասին:

Դատելով թիզերից՝ քրոսովերն առջևից կստանա անփայլ քրոմացված բաղադրիչ, որը կմիավորի առջևի լուսարձակները, ինչպես նաև՝ տեսախցիկներ, որոնք կփոխարինեն կողային հայելիներին:

All-Terrain-ի ապրանքային տարբերակը, որը կթողարկվի 2021-ին, կդառնա առաջին սերիական ավտոմեքենան՝ թողարկված Lagonda ապրանքանիշի տակ:

Առաջիկայում բրիտանացիները մտադիր են ընդլայնել շքեղ էլեկտրամեքենաների արտադրությունը: