Mamul.am
Ամբողջական տարբերակ
USD 475.94, EUR 528.10, RUB 7.20, GBP 576.98
+19 °C, +20 °C ... +37 °C Վաղը`+35 °C
Hay / Հայ | Рус | Eng | Tür
ԱՄՆ-ն հրաժարվել է հաշտվել Չինաստանի հետ
17:35, 27.05.2019

Վաշինգթոնը պատրաստ չէ Պեկինի հետ առևտրային գործարք կնքել: Bloomberg-ի հաղորդմամբ, այս մասին Ճապոնիա կատարած այցի ժամանակ հայտարարել է Միացյալ Նահանգների նախագահ Դոնալդ Թրամփը:

«Կարծում եմ, որ չինացիները կցանկանային առևտրային գործարքը կնքել այն պայմաններով, որոնք առաջարկել էին մինչև դրանց վերանայումը: Նրանք ուզում են առևտրային գործարք կնքել, բայց մենք պատրաստ չենք դրան»,- ասել է Թրամփը՝ ավելացնելով, որ Չինաստանից ներկրվող ապրանքի նկատմամբ ԱՄՆ մաքսատուրքերը կարող են «էականորեն և շատ հեշտությամբ ավելանալ»:

Միևնույն ժամանակ, Թրամփը վստահություն է հայտնել, որ Վաշինգթոնին ու Պեկինին կհաջողվի համաձայնության գալ. «Կարծում եմ, որ հետագայում ԱՄՆ-ն ու Չինաստանը գերազանց առևտրային գործարք կկնքեն, մենք անհամբերությամբ սպասում ենք դրան»:

Տեղեկացրե՛ք Ձեր մտերիմներին
| |
դեպի վեր