+16 °C, +15 °C ... +27 °C Վաղը`+26 °C
Facebook սոցիալական ցանցի ղեկավարությունը որոշում է կայացրել իշխանությունների կողմից հսկողության տակ գտնվող լրատվական կազմակերպությունների էջերը պիտակավորել: Այս մասին ընկերությունը հայտնել է սեփական կայքում հրապարակված հայտարարության միջոցով: «Մի քանի ամիս առաջ մենք հայտարարեցինք մեր ծրագրի մասին՝ պիտակավորելու լրատվական կազմակերպությունների էջերը, որոնք ամբողջությամբ կամ մասնակիորեն գտնվում են իրենց երկրների իշխանությունների վերահսկողության տակ, և այսօրվանից մենք այդպիսի էջերը նշում ենք»,- նշվում է հայտարարության մեջ: Սոցիալական ցանցի ղեկավարությունը կարծում է, որ օգտատերերը պետք է տեղյակ լինեն իրենց ընթերցած լուրերի վերաբերյալ սեփական իշխանությունների հնարավոր ազդեցության մասին, ուստի այդպիսի լրատվամիջոցների էջերը պետք է հատուկ նշագրվեն: Պարզելու համար, թե արդյոք լրատվամիջոցի էջը գտնվում է իշխանությունների ազդեցության տակ, սոցցանցը կօգտագործի հետևյալ չափանիշները՝ խմբագրության քաղաքականությունը, սեփականության կառուցվածքը, հրատարակության առաքելության նկարագրությունը, աշխատակիցների և ղեկավարների մասին տեղեկությունը, ֆինանսավորման և եկամտի աղբյուրները, ինչպես նաև կառավարման և հաշվետվության մեխանիզմները: Բացի այդ, հաշվի կառնվեն երկրների համար սահմանված ԶԼՄ-ների ազատության սանդղակը: Այս տարի Facebook-ը նախատեսում է նաև նշագրել գովազդային հրապարակումները, որոնք կառավարվում են իշխանությունների կողմից։ Միացյալ Նահանգներում նման գովազդները արգելափակվելու են, որպեսզի հնարավոր լինի խուսափել հնարավոր արտաքին ազդեցությունից՝ նոյեմբերին կայանալիք նախագահական ընտրությունների ընթացքում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am