+29 °C, +16 °C ... +29 °C Վաղը`+29 °C
Վարչապետի պաշտոնակատար Նիկոլ Փաշինյանը րոպեներ առաջ հաստատեց, որ 15 հայ գերի վերադառնում է Հայաստան։ Փաշինյանն այդ մասին հայտարարեց Գեղարքունիքի մարզի Կարմիր գյուղի բնակիչների հետ հանդիպման ժամանակ։ «Լավ լուր ունեմ` մեր գերեվարված եղբայրներից 15-ը վերադառնում են Հայաստանի Հանրապետություն։ Սակայն ավելի մանրամասն հայտարարություն անել չեմ կարող` նրանք ճանապարհին են։ Երբ կլինեն ՀՀ տարածքում, ավելի մանրամասն կխոսեմ այդ մասին», - ասաց Փաշինյանը։ Նրա խոսքով` շուտով Գավառում կայանալիք հանդիպմանը կխոսի այդ մասին մանրամասն։ Վարչապետի պաշտոնակատարը հավելեց` պետք է անմիջապես զբաղվել մյուսների վերադարձով. «Ուզում եմ նախապես ներողություն խնդրել այն ընտանիքներից, ում զավակներն այսօր չեն վերադառնում, և նրանք դեռ պետք է սպասեն։ Ցավոք, մենք չենք կարողանում բոլորին վերադարձնել։ Իհարկե, այսօր 15 ընտանիք իրենց երջանիկ կզգան, բայց մյուսների համար սպասման բեռն ավելի ծանր գուցե կդառնա», - ասաց Փաշինյանը։ Ավելի վաղ հայտնել էինք, որ ըստ պաշտոնական Բաքվի՝ հայ գերիները փոխանակվել են Ակնայի ականապատ տարածքների քարտեզի դիմաց: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am