Երեկ` դեկտեմբերի 22-ին, ժամը 22։40-ի սահմաններում ոստիկանության Շենգավիթի բաժին ահազանգ է ստացվել, որ «Գրանդ Քենդի» գործարանից խոշոր չափի գումար են հափշտակել։ Ինչպես հայտնում է ֆոտոլրագրող Գագիկ Շամշյանը, ոստիկաններն ու քննիչները պարզել են, որ դիմակավորված անհայտ անձինք մտել են գործարանի գանձապահի աշխատասենյակ և հափշտակել խոշոր չափի` մոտ 15 միլիոն դրամ գումար, ապա դիմել փախուստի։ Փաստի առթիվ Շենգավիթի քննչական բաժնում հարուցվել է քրեական գործ։ |