Լրագրողների միջազգային ֆեդերացիան կասեցրել է Ռուսաստանի անդամակցությունը: Սա քաղաքական որոշում է, նրանք խախտում են սեփական կանոնադրությունը, ՌԻԱ Նովոստիին ասել է Ռուսաստանի լրագրողների միության ղեկավար Վլադիմիր Սոլովյովը։
«Ես հենց նոր ստացա նամակ միջազգային ֆեդերացիայի գլխավոր քարտուղարից, որում նա ինձ տեղեկացրեց, որ կազմակերպության գործադիր կոմիտեի նիստում որոշում է կայացվել կասեցնել Ռուսաստանի լրագրողների միության անդամակցությունը»,- ասել է Սոլովյովը։
Նա ընդգծել է, որ դրա համար հիմքեր չկան, և դա քաղաքական որոշում է։