+16 °C, +15 °C ... +26 °C Վաղը`+28 °C
Շվեդիան մտադիր է Ուկրաինային 500 մլն եվրո տրամադրել վերականգնման համար։ Այս մասին «Ռադա» հեռուստաալիքի եթերում հայտարարել է Ուկրաինայի նախագահի մամուլի քարտուղար Սերգեյ Նիկիֆորովը։ Նիկիֆորովը նաև հավելել է, որ Շվեդիան նախատեսում է Ուկրաինային փոխանցել խմելու ջրի պոմպեր այն տարածքների համար, որոնք տուժել են Կախովսկայա հիդրոէլեկտրակայանի կործանումից։ Օգոստոսի 19-ին Ուկրաինայի նախագահի մամուլի քարտուղարը հայտարարել է, որ շվեդական JAS Gripen կործանիչների տեղափոխումը Ուկրաինա դեռ տեսականորեն դիտարկվում է։ Նրա խոսքով, ինքնաթիռների տրամադրմանը մնացել է երեք քայլ. Դրանց թվում են կործանիչների փորձարկումը, օդաչուների պատրաստումը, քաղաքական համաձայնությունը, հետո միայն ինքնաթիռների տրամադրումը։ Մինչ այս Ուկրաինայի նախագահ Վլադիմիր Զելենսկին ասել էր, որ ուկրաինացի օդաչուների վերապատրաստումն արդեն ընթանում է շվեդական արտադրության JAS 39 Gripen կործանիչների վրա։ Շվեդիայի վարչապետ Ուլֆ Քրիսթերսոնի հետ բանակցություններից հետո կայացած մամուլի ասուլիսում նա նշել է, որ Կիևը ցանկանում է քննարկել ինքնաթիռների մատակարարման հարցը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am