Սերբիան կավելացնի գազի մատակարարումը Ռուսաստանից Հունգարիա, եթե մերժվի Ուկրաինայի տարածքով տարանցումը. գրում է ՏԱՍՍ-ը:
Սերբիան հաստատել է, որ կկարողանա ռուսական գազի տարանցումը Հունգարիա ապահովել, եթե Ուկրաինայով տարանցումը դադարեցվի։ Այս մասին հայտարարել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն:
«Ռուսաստանից Հունգարիա գազի մատակարարումների մեծ մասը հասնում է Սերբիայի տարածքով: Վերջին օրերին մենք լսում ենք, որ Ուկրաինան ցանկանում է խզել Ռուսաստանի հետ նախկինում կնքված տարանցման պայմանագիրը: Այսօր Սերբիայի նախագահը հաստատեց, որ եթե Հունգարիան ցանկանում է մեծացնել Սերբիայի տարածքով Հունգարիա եկող գազի ծավալը, ապա Սերբիան կարող է ապահովել դրա համար անհրաժեշտ մատակարարման հզորությունները»,- ասել է պաշտոնյան։