Ռուսաստանի գիտությունների ակադեմիայի ակադեմիկոս Միխայիլ Մարովը՝ ռուսական տիեզերագիտության վետերան, խորհրդային միջմոլորակային և լուսնային ծրագրերի «համահեղինակ», հոսպիտալացվել է Luna-25 տիեզերանավի կործանումից հետո։
Գիտնականը, ով 1970-ականներից ներգրավված է տիեզերական ծրագրերում, այդ թվում՝ խորհրդային տիեզերագնացությանը համբավ բերած ծրագրերում, ասել է, որ իրեն շատ է անհանգստացրել լուսնային առաքելության ձախողումը, որն առաջինն էր Ռուսաստանի համար գրեթե կեսդարյա ընդմիջումից հետո:
«Ինձ համար սա թերևս վերջին հույսն էր՝ տեսնելու մեր լուսնային ծրագրի վերածնունդը»,- ասել է Մարովը: Նա հավելել է, որ այժմ շատ կարևոր է քննարկել կատարվածի պատճառները՝ ոչ մի դեպքում չլռելով դրանց մասին։
Ավելի վաղ հայտնել էինք, որ օգոստոսի 11-ին գործարկված Luna-25 կայանը բախվել է Լուսնին և դադարել է գոյություն ունենալ: Մեկ օր առաջ հայտնի դարձավ, որ հասնելով Երկրի արբանյակին, կայանը չի կարողացել վայրէջքի ուղեծիր մտնել. շարժիչների հաղորդած ազդակը անկայուն է եղել։