+19 °C, +19 °C ... +33 °C Վաղը`+33 °C
Իսրայելը մերժում է ՀԱՄԱՍ-ի հետ զինադադարը` առանց պատանդների ազատ արձակման, հայտնում է BBC-ն։ Իսրայելի վարչապետ Բենիամին Նեթանյահուն հայտարարել է, որ երկիրը չի համաձայնի ՀԱՄԱՍ-ի հետ զինադադարի կնքմանը մինչև հոկտեմբերի 7-ի հարձակման ժամանակ պատանդ վերցված բոլոր քաղաքացիներն ազատ չարձակվեն: «Իսրայելը հրաժարվում է ժամանակավոր զինադադարից, որը չի ներառում մեր պատանդների վերադարձը»,- ասել է Նեթանյահուն իր հեռուստաուղերձում։ ԱՄՆ պետքարտուղար Էնթոնի Բլինքենի այցն Իսրայել նշանավորվել էր նաև ռազմական գործողությունների հումանիտար դադարի մասին քննարկումներով, որոնք նա անվանել էր «կարևոր» քաղաքացիական բնակչության պաշտպանության և Գազա օգնություն հասցնելու համար: Բլինքենն ընդգծել էր պատանդներին ազատելու համար հումանիտար դադարների կիրառման հնարավորությունը, սակայն նշել, որ մանրամասները, թե ինչպես են իրականացվելու այդ դադարները, դեռևս լիովին պարզված չեն, և որ դրանց արդյունավետ օգտագործումը քննարկվում է իսրայելցի պաշտոնյաների հետ։ Ըստ CNN-ի, Իսրայելի պաշտպանության նախարար Յոավ Գալանտն ուրբաթ օրը Բլինքենի հետ բանակցությունների ժամանակ նշել է, որ ռազմական գործողությունների ցանկացած դադարեցում կպայմանավորվի պատանդների վերադարձով` ընդգծելով Իսրայելի անխախտ դիրքորոշումն այս հարցում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am