Լրագրող Ոսկան Սարգսյանի ֆեյսբուքյան գրառումը. «Այս տարվա օգոստոսի 2-ին տեղացած կարկուտը ոչնչացրել է Իջևան համայնքի Լուսաձոր գյուղի խաղողի, պտղատու այգիների, բանջարանոցների բերքը, ջարդել գյուղացիների տների շիֆերից տանիքներ, ապակե պատուհաններ, վնասել ավտոմեքենաների ծածկեր, լուսաձորցիների արևային մարտկոցները։ Մայիսի 31-ին կարկուտ է տեղացել Նոյեմբերյան խոշոր համայնքի սահմանամերձ Ոսկեպար գյուղում, նաև՝ Իջևան խոշոր համայնքի Կիրանց և Աճարկուտ բնակավայրերում։ Այդ կարկտահարություններից հետո բնական տարերքից տուժած գյուղացիներին պետական աջակցություն կամ փոխհատուցում չի եղել: Տավուշի մարզում ընդհանուր առմամբ գործում է 14 հակակարկտային կայան, որոնք բոլորն էլ տեղակայված են Նոյեմբերյան խոշոր համայնքում։ Մարզի մյուս 3 խոշոր համայնքներում՝ Իջևանում, Դիլիջանում, Բերդում հակակարկտային կայաններ չկան։ Նիկոլ Փաշինյանի իշխանության 5 տարիներին Տավուշի մարզում ոչ մի հակակարկտային կայան չի ավելացել»: