Առողջապահության համաշխարհային կազմակերպությունը (ԱՀԿ) նոյեմբերի 7-ին տեղեկացրել է վերջին կոնֆլիկտում իրենց ծառայողական պարտականությունները կատարելիս զոհված բուժաշխատողների թիվը: Ըստ այդմ, Գազայի հատվածում իրենց ծառայողական պարտականությունները կատարելիս զոհվել է ավելի քան 160 բուժաշխատող։ «Նրանք մարդիկ էին, որոնք աջակցում էին առողջապահության համակարգին՝ անձնազոհություն ցուցաբերելով»,- The Guardian-ը մեջբերել է ԱՀԿ ներկայացուցիչ Քրիստիանա Լինդմայերի խոսքերը։ Լինդմայերը կոչ է արել հանել բուժօգնության սահմանափակումները։ Նրա խոսքով՝ որոշ մարդկանց անկլավում վիրահատում, նաև` անդամահատում են առանց ցավազրկման։ |