+18 °C, +13 °C ... +18 °C Վաղը`+24 °C
Գերծանր Starship հրթիռը, որը ստեղծվել է դեպի Լուսին և Մարս առաքելությունների համար, շաբաթ օրը ձախողվել է իր երկրորդ փորձնական ուղեծրային թռիչքի ժամանակ, հայտնել է SpaceX-ը։ Հրթիռի առաջին աստիճանը բաժանվելուց հետո պայթել է օդում, իսկ տիեզերանավի հետ կապը կորել է թռիչքից մոտ 10 րոպե հետո։ Արձակումը տեղի է ունեցել SpaceX-ի Starbase արձակման վայրից, որը գտնվում է Թեքսասի հարավ-արևելքում գտնվող Բոկա Չիկա քաղաքում, տեղական ժամանակով ժամը 07:00-ին (Երևանի ժամանակով 17:00-ին): Բազմակի օգտագործման հրթիռային համակարգը բաղկացած էր Ship 25 տիեզերանավից և Super Heavy արձակման մեքենայից: Նրա բարձրությունը հասնում էր 122 մետրի։ Այն ավելի բարձր է, քան աշխարհում երբևէ կառուցված ցանկացած այլ հրթիռ: Super Heavy կրիչը երկու անգամ ավելի հզոր է, քան տիեզերական արձակման համակարգ (SLS) ծանր հրթիռը, որը ստեղծվել է ՆԱՍԱ-ի կողմից դեպի Լուսին թռչող մարդկանց թռիչքների համար: Փորձնական թռիչքն իրականացվել է անօդաչու ռեժիմով։ Նախատեսվում էր, որ երկրորդ թռիչքի ժամանակ հրթիռը մեկ թերի պտույտ կկատարի Երկրի շուրջ։ Այնուհետև ծրագրված էր, որ Ship 25-ը պետք է վայրէջք կատարեր Խաղաղ օվկիանոսի վրա՝ Հավայան կղզիների մոտ: Հրթիռի` ապրիլին իրականացված առաջին փորձնական թռիչքն ավարտվել էր անհաջողությամբ։ Գործարկումից հետո տիեզերանավը չկարողացավ առանձնանալ կրիչից, և SpaceX-ի հրամանով գերծանր Starship հրթիռը ինքնաոչնչացվեց Մեքսիկական ծոցի վրայով մեկնարկից 4 րոպե անց:
|
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am