Իսրայելը չի ​​համագործակցի Միջազգային քրեական դատարանի (ՄՔԴ) հետ Պաղեստինում իրավիճակի հետաքննության հարցում, RIA Novosti-ին տված հարցազրույցում ասել է Իսրայելի ԱԳՆ պաշտոնական ներկայացուցիչ Լիոր Բեն-Դորը։
«Մենք չենք համագործակցի Միջազգային քրեական դատարանի հետ, քանի որ պաշտպանում ենք մեր քաղաքացիների իրավունքները և պայքարում ահաբեկչության դեմ»,- ասել է ԱԳՆ ներկայացուցիչը։
Նրա խոսքով, Իսրայելում չեն վստահում ՄՔԴ քննչական հանձնաժողովներին, «քանի որ նրանց օրակարգը նախապես հայտնի է»։
«Մենք փորձ ունենք 2009 թվականի Գազայի պատերազմից հետո, երբ ՄԱԿ-ի Մարդու իրավունքների խորհուրդը ստեղծեց Գոլդսթոուն փաստահավաք հանձնաժողովը (իսրայելական ռազմական հանցագործությունների վերաբերյալ), և մենք չճանաչեցինք դրա զեկույցը»,- ասաց Բեն-Դորը:
Հաագայի Միջազգային քրեական դատարանի (ՄՔԴ) դատախազ Քարիմ Խանը անցյալ ուրբաթ ասել էր, որ Պաղեստինում իրավիճակը հետաքննելու հարցում է ստացել հինգ պետություններից։