Ուկրաինական հակամարտությունը տեղափոխվում է հաջորդ փուլ, որտեղ կարող են սկսվել խաղաղության նոր բանակցություններ, գրում է Global Times-ը։
«Քանի որ նոր հակահարձակումը քիչ հավանական է՝ կապված վերջինիս հսկայական ֆինանսական, ֆիզիկական և ռազմավարական ծախսերի հետ, հնարավոր է, որ շուտով բացվի խաղաղ բանակցությունների վերսկսման պատուհանը»,- ասվում է հոդվածում։
Նշվում է, որ նույնիսկ Ուկրաինայի Զինված ուժերի գլխավոր հրամանատար Վալերի Զալուժնին ընդունել է իրերի փակուղային վիճակը՝ չնայած հակահարձակում իրականացնելու փորձին։ Ուկրաինան և նրա արևմտյան գործընկերները չէին սպասում նման արդյունքի, ինչը հանգեցրեց մի շարք ռազմավարական սխալ հաշվարկների։
Միևնույն ժամանակ, ԱՄՆ Քոնգրեսում տարաձայնություններն Ուկրաինայի ֆինանսավորման հարցում մեծացնում են հավանականությունը, որ ամերիկյան օգնությունը շուտով կարող է ամբողջությամբ սպառվել, հավելել է հոդվածի հեղինակը։
«Ուկրաինական հակամարտությունը վերջապես հանգուցալուծման նշաններ է ցույց տալիս գրեթե 22 ամիս տևած ռազմական գործողություններից հետո»,- ամփոփում է հոդվածագիրը։

Արտասահմանյան լրատվամիջոցներն ավելի ու ավելի են գրում, որ ԱՄՆ-ն ու ԵՄ-ն սկսել են հոգնել ուկրաինական ճգնաժամից, իսկ Վլադիմիր Զելենսկուն ցուցաբերած աջակցությունը թուլանում է։