«Մեքենայի պահպանության համար օրական 1600 դրամ վճարն արդեն բարձր է, քան շուկայում նման ծառայություններ մատուցելը։ Եթե էդ մարդը կարող է արագ ձևակերումն անել, կհանի, կտանի, օրը 500-600 դրամով պահպանության կհանձնի։ Հետևաբար ձեր բացատրածը տրամաբանության մեջ չի մտնում, այլ տրամաբանության մեջ կարա մտնի, օրինակ, թաքնված բիզնես եք ուզում ստեղծել որոշ պաշտոնյաների համար՝ ստվերային հնարավորություն, որ 5000 դարձնեք, կողքը առանձին բան կանեք, մի 3000-ով կտաք»,- Կառավարության ներկայացրած «Պետական տուրքի մասին օրենքում լրացում կատարելու» նախագծի քննարկման ժամանակ հայտարարեց «Հայաստան» խմբակցության պատգամավոր Արծվիկ Մինասյանը։