Բուլղարիայի Ժողովրդական ժողովն առաջին ընթերցմամբ ռուսական գազի տարանցման սակագնի բարձրացումը չեղարկող օրինագիծ է ընդունել: Այս մասին հայտնում է Բուլղարիայի ազգային հեռուստատեսությունը:

Միաժամանակ առաջին ընթերցմամբ ընդունվել է «Լուկօյլ» ընկերությանը 2024 թվականի մարտի 1-ից ռուսական նավթ վերամշակելու, իսկ 2024 թվականի հունվարի 1-ից նավթամթերքի առանձին տեսակների վաճառքն ու արտահանումն այլ երկրներ արգելելու մասին օրենքը:

Երկրորդ ընթերցմամբ օրինագիծը կքննարկվի առաջիկա օրերին։

Սակագների չեղարկման որոշումը կայացվել է, երբ Հունգարիան վերջնագիր է ներկայացրել Բուլղարիային։ Մասնավորապես, Բուդապեշտը սպառնացել է վետո դնել Շենգենյան գոտուն Բուլղարիայի անդամակցության վրա։