«Կոռուպցիան ձեր կառույցն էլ չշրջանցեց, արդեն կան ձերբակալություններ, սա՞ էր չկոռումպացված համակարգը»,- Կառավարության նիստից հետո, դիմելով Էկոնոմիկայի նախարար Վահան Քերոբյանին, հարցրեց լրագրողը: Նախարարը նշեց, որ պետք է առաջնորդվել անմեղության կանխավարկածով: Ավելի վաղ ՔԿ-ն հայտնել էր, որ առերևույթ կոռուպցիոն չարաշահումներին առնչվող երկու քրեական վարույթներով ձերբակալվել են Էկոնոմիկայի նախարարի տեղակալ Անի Իսպիրյանն ու ևս 6 անձ: «Պետք է սպասենք, որպեսզի ՔԿ գործընկերներն ասեն՝ ի՞նչ են հասկանում չարաշահում ասելով: Պետք է բացատրեն՝ առևերույթ կոռուպցիոնն ի՞նչ ա, այն պետք է լինի կաշառք, չգիտեմ, ասենք՝ բարեկամին ինչ-որ տենդեր նվիրել, ու դրա ներքո փողերի տեղաշարժ, որը չկա»,- նշեց Քերոբյանը: Մանրամասները՝ տեսանյութում: |