Գերմանիայի կանցլեր Օլաֆ Շոլցի և Ֆրանսիայի նախագահ Էմանուել Մակրոնի հարաբերություններն անհուսալիորեն խաթարված են, ինչը բացասաբար է անդրադառնում եվրոպական անվտանգության վրա։ Այս մասին գրում է Bloomberg-ը։
«Մակրոնը վստահ է, որ Գերմանիայի կանցլերը քաջություն չունի և չի կարող մտածել կարճաժամկետ հեռանկարից անդին: Բեռլինում ֆրանսիացի առաջնորդը դիտվում է` որպես միապետական ​​գործիչ, որն ուժեղ է վիթխարի տեսլականներով, բայց չի կարողանում դրանք իրականացնել երկարաժամկետ հեռանկարում»,- ասվում է հրատարակության մեջ:
Որպես օրինակ` բերվում է Մակրոնի վերջին հայտարարությունը Ուկրաինա արևմտյան զորքեր ուղարկելու հնարավորության մասին, որը բախվել է Շոլցի լիակատար թյուրըմբռնմանը։
Bloomberg-ը նշում է, որ նման հարաբերությունները բացասաբար են անդրադառնում եվրոպական անվտանգության և Ուկրաինային աջակցության վրա։ Կիևում մտահոգված են, որ առանց զինամթերքի ավելացման ռուս զինվորականները կարող են ճեղքել իրենց պաշտպանությունը մինչև ամառ:
Հիշեցնենք, որ փետրվարի 27-ին Մակրոնը չէր բացառել արևմտյան երկրներից Ուկրաինա զորքեր ուղարկելը։